Panat in postcardThe Ranums'

Panat Times

Volume 1, redone Dec. 2014

Contents

Volume 1

Panat

Orest's Pages

Patricia's Musings

Marc-Antoine

Charpentier

Musical Rhetoric

Transcribed Sources


 

The second group of secretaries

Pierre Brulard; Claude Pinart le père; Claude Pinart le fils; Gilles Brulard; Claude de l'Aubespine, fils de Gilles; Louis Revol; Martin Ruzé; Louis Potier de Gesvres

  For the contents of the different sections, see the Introduction to this transcription

This file reproduces folios 432-455 of manuscript Cinq Cents Colbert 136

[432] Brulard

Pierre Brulard pourveu de l'office de nottaire et secretaire du Roy le deceds de Philippe Macé au moys d'aoust 1557 fut faict secretaire des finances a mil livres de gages par lettres donnees au bois de Vincennes le 2e Juin 1563 signé Robertet.

A lenregistrement a la chambre fut donné arrest qu'il jouiroit par commission et sans gages le 23e Juin 1563.

Surquoy fut expedié Jussion le 24 Juin 1563 a l'enregistrement de laquelle la chambre ordonna par arrest quil jouiroit des gages a la charge de faire apparoir par chacun an de son emploi du 27 Juin 1563.

Au mois D'Avril 1563 avant pasques [432v] ledit sieur Brulard eschangea son office de notaire et secretaire avec jean de serre aussy notaire et secretaire Boursier.

En consideration des services rendus par Pierre Brulard notaire et secretaire de sa Majesté et de sa chambre sous le sieur de Vilaines secretaire d'estat son soncle, Le Roy luy permit de signer en finance comme faisoient Burgensis et hurault, Les pattentes qui auroient esté deliberees au Conseil soit pour les finances ou autres affaires avec pention de trois cens livres outre mil livres ainsi quavoient lesdictz hurault et Burgensis, les lettres sont donnees a Sainct Germain en Laye le 9 Juillet 1567 Registrees a la Chambre des Comptes pour jouir comme faisoient Burgensis et hurault. Cette commission estoit proprement pour faire ce que font a present les secretaires du Conseil [433] la charge de secretaire d'Estat et des finances que tenoit le sieur d'alluye florimond Robertet estant vaccante le Roy commit et deputa a l'Estat et office de secretaire d'Estat et des finances Pierre Brulard Son Conseiller et secretaire de ses finances aux gages pention, droicts et proffitz comme les autres secretaires d'Estat les lettres furent expediees a Estampes le 8e Juin 1569 signée de Neufville, et le serment presté ez mains de Monsieur de Morvillier commis a la garde des sceaux en l'absence de Monsieur le Chancellier le 9e Juin 1569 signé veau.

Pierre Brulard resigna en faveur de Gilles Brulard son fils a condition de survivance son office de nottaire et secretaire du Roy en Lannée 1574 de laquelle Gilles ne fit le serment et ne fut immatriculé qu'en 1586 il le fit aussy recevoir a sa survivance secretaire des finances [433v] Les lettres sont données a Lion le 23 octobre 1574 Gilles Brulard estant trop jeune pour exercer obtint lettres ledit jour pour prester le serment qui fut le 6e may 1579.

Le Roy ayant par lettres donnees a Paris le 25e 7bre 1576 revocqué touttes les commissions des secretaires des finances qui navoient payé finances excepta par les mesmes lettres celles des secretaires d'Estat Pierre Brulard et Claude Pinart et des secretaires des Reynes Mere et femme.

Apres le deceds du sieur de fizes lan 1578 sa charge fut supprimée et son departement partagé entre Villeroi, Brulard et pinart ausquels le Roy attribua chacun xiii c[ent] xxxiii lt un tiers d'augmentation de gages par Edit du moys doctobre 1582 et ainsi il ni eut plus que trois secretaire d'Estat.

[434] Les services de Pierre Brulard seigneur de Crosne ayant merité reconnoissance le Roy luy accorda de faire de faire [sic] pourvoir de la charge de secretaire d'Estat Gilles Brulard son filz a condition de survivance le 14 Juin 1586 quel [sic] en presta le serment le 3 jour de juillet ensuivant.

Pierre Brulard secretaire d'Estat obtint du Roy dispence de servir en la charge de president et Tresorier de france a Bourges d'ont il estoit pourveu par lettres de lan 1587.

Le Roy estant a Blois au mois de septembre 1588 estant entré en deffiance de plusieurs de ses plus fidelles serviteurs, Pierre Brulard secretaire d'Estat fut chassé comme Villeroi et Pinart et son fils gilles Brulard avec luy et un autre secretaire d'estat fut mis en leur lieu sans recompense.

[435] Pinart

Claude Pinart fut pourveu de la charge de Tresorier et payeur des cent Gentilshommes lan 1556 puis de l'office de Conseiller Nottaire et Secretaire du Roy par le deceds de Jean hotte au mois de septembre 1558 il se fit pourvoir d'une autre office de Conseiller Nottaire et secretaire du Roy le 4 febvrier 1559 par la resignation de Charles de Croismaré et resina au mesme Charles de Croismaré son premier office de secretaire du Roy le dernier mars 1559 pour faire permutation des bourses.

Le Roy voulant reconnoistre les services de Maistre Claude Pinart luy donna un office de secretaire des finances Crée et ordonné en sa faveur pour enjouir aux gages de mil livres lesquelles seroient prises sur les [435v] trois mil livres de Gages dont jouissoit en son vivant Nicolas de Verdun intendant des finances les lettres sont donnees a Tours le 29 septembre 1569 Signé de Laubespine, il presta le serment de cette charge entre les mains de Messieurs du Conseil du Roy ayans les seaux le x decembre 1569 signé denise.

Sur ce que la chambre des Comptes ne respondit rien lors de la presentation des dictes lettres jussion fut expediée dattee a Angers le 17 Janvieur 1570 dans laquelle il y a clause que pareilles lettres ayant esté expediees de mot a mot semblablement a ladicte jussion lesdictes lettres et jussion ne serviroient que dune seulle et mesme chose sur quoy la chambre donna arrest que lesdictes Lettres seroient registrées a la charge qu'au premier voyage que ledit Pinart viendroit par deça il soussineroit ledict enregistrement du seing [436] duquel il avoit de liberé user a ladvenir le 17 febvrier 1570.

Par Le deceds de Messire Claude de Laubespine fils de Claude Chevalier seigneur de haulterive Conseiller du Roy en son Conseil privé et secretaire d'estat et des finances.

La charge de secretaire d'Estat estant vaccante le Roy commit et deputa audit office Claude Pinart Conseiller secretaire de ses finances qui avoit espousé Marie de Laubespine Cousine germaine de Claude de Laubespine et fille de Gilles son oncle tresorier des parties Cazuelles pour jouir de ladicte charge aux gages pentions &a comme les autres secretaires d'Estat les lettres expediees audit Pinart sont Données a Monceaux le 13 septembre 1570 signé fizes, et le serment du 16 du mesme moys de septembre 1570 presté au Conseil privé du Roy es [436v] mains de Monseigneur de Morvillier Conseiller audit Conseil signé Camus.

Le Roy ayant revocqué les commission des secretaires des finances par lettres données a Paris le 25 septembre 1576 declara par icelles quil navoit entendu comprendre en ladicte revocation les secretaires d'Estat Pierre Brulard et Claude Pinart et les Secretaires des Reynes sa mere et sa femme.

Claude Pinart secretaire d'Estat avoit esté premierement secretaire des finances du Roy et de la Reyne le Roy confirma ledit office de secretaire des finances expediant au Conseil aux gages de mil livres et xii c[ent] lt a Claude Pinart son fils a sa survivance les lettres sont du dernier decembre 1569 confirmées par le Roy henry 3 le 3e octobre 1574 et encores le 24 Janvier 1580 a cause de la revocation des [437] Commissions pour signer en finance de l'an 1576.

Claude Pinart fit recevoir son fils Conseiller nottaire et secretaire du Roy a sa survivance le 12 febvrier 1578.

Le Baron de Sauve Simon de fizes secretaire d'Estat estant decedé en lannée 1579 sa charge fut supprimée et son departement partagé entre les trois autres secretaires d'Estat restans a sçavoir Villleroy Brulard et Pinart ausquelz le Roy attribua a chacun xiii c[ent] xxxiii lt un tiers chacun de gages par Ledit du mois doctobre 1582 et ainsi il ni eut plus que trois secretaires d'Estat.

En lannée 1588 le huictieme jour de septembre le Roy henry 3 estant a Blois estant entré en deffiance de plusieurs de ses plus affectionnez serviteurs [437v] Entre lesquels perdirent leur ch furent les secretaires d'Estat chassa aupres de lui Claude Pinart et son fils receu a sa survivance lesquels perdirent leur charge et un autre secretaire d'Estat fut establi en leur lieu sans aucune recompense.

[438] Simon fizes Baron de Sauves estant decedé l'an 1579 de Neufville, Brulard et Pinart demanderent la suppression de sa charge de secretaire d'Estat et departirent entreux son emploi, avec augmentation de xiii lt de gages 1582.

Lettres de Chartes accordées par le Roy aux sieurs de Villeroy, Brulard et Pinart Conseillers en son Conseil privé et Secretaires d'Estat par lesquelles le Roy leur attribua xiii c[ent] lt de gages a chacun outre les m[ille] lt anciens en consideration de leurs services et que leur departement est plus estendu par la suppression de la charge du sieur de Sauve Lors de laquelle le Roy fit expedier ses lettres a la chambre de passer et allouer lesdictes augmentations de gages qui auroit refusé de le faire sous couleur de n'avoir rapporté lettres de Chartres surquoy le Roy [438v] mande a ladicte chambre quil veult quelle ait a passer lesdictz gages &a Donné a Paris au mois d'octobre 1582 signé Brulart.

Arrest de la chambre des Comptes donné sur les lettres patentes du Roy données a Paris au mois d'octobre 1582 par lesquelles le Roy augmentoit les gages des secretaires d'Estat de Villeroy, Brulard et Pinart attendu que leurs departemens sont de plus grande estendue par la suppression de l'office du sieur de sauve a chacun et a leurs successeurs xiii c[ent] xxxiii lt un tiers outre les m[ille] lt pour faire a chacun ii m[ille] iii c[ent] xxxiii lt un tiers par an a prendre a lespargne a commencer du jour du deceds dudit sieur de sauve, la Chambre ordonna quils jouiront des m[ille] lt du sieur de sauve par forme de pention qui est a chacun iii m[ille] xxxiii lt un tieurs tant et si longuement que la suppression [439] durera outre les mil escus anciens le 19 novembre 1582.

Lesdictes lettres depuis registrées de L'expres commandement du Roy pour en jouir tant quil tiendroient lesdicts Estats et que la suppression durera le 5e decembre 1582.

[440] Pinart

Claude Pinart fils de Claude Pinart secretaire d'Estat fut receu le dernier decembre 1569 a la survivance de son pere secretaire des finances expediant au Conseil aux gages de mil livres et xii c[ent] lt ce qui fut confirmé par le Roy henry 3 le 3e octobre 1574 et encores de 24 janvier 1580 a cause que le Roy avoit revoqué en lannée 1576 touttes les commissions des secretaires des finances qui n'avoient payé finances du nombre desquels estoit Claude Pinart, lequel encores quil eust esté excepté de la revocation par les lettres mesme de la revocation, il ne n'aissa pas neantmoins de prendre des lettrres de Confirmation, lors quil desira laisser a son fils lexercice de ladicte commission.

[440v] Claude Pinart fils fut receu Notaire et secretaire du Roy a la survivance de son pere et immatriculé le 12 febvrier 1578.

Le Roy mettant en consideration les longs services rendue par Claude Pinart depuis quil avoit esté receu secretaire d'Estat au lieu de Claude de Laubespine Donna ledit estat et office de secretaire d'Estat et de ses commandemens a Claude Pinart son fils Nottaire et secretaire du Roy et de ses finances a condition de survivance les gages reservez au sieur Pinart pere les provisions sont dattées a sainct Maur Le 14 juin 1586 et le serment presté entre les mains de Monsieur Le Chancelier le 18 jour dudit mois de Juin.

Claude Pinart nexerça cette charge, son pere et luy ayans esté chassez de la Cour avec les autres secretaires d'Estat a Bloys le 8 septembrre 1588 et la charge de secretaire d'Estat perduë pour eux un autre secretaire d'Estat ayant esté establi sans leur bailler recompense.

[442] Brulard

Gilles Brulard fut pourveu de l'office de Nottaire et secretaire du Roy a la survivance de pierre Brulard son pere en lannée 1574 et ne presta le serment et fut immatriculé qu'en lannée 1586. Il fut aussi receu secretaire des finances a la survivance de son pere a Lion 23 octobre 1574 il y eut des lettres expediées pour Monsieur le Chancellier qu'en attendant que ledit Gilles Brulard ait attaint lage competant pour exercer ladicte charge il prist son serment a Lion 23e octobre 1574. Le serment est du 6e May 1579.

Le Roy en consideration des services de Pierre Brulard seigneur de Crosne donna l'office de Conseiller secretaire d'Estat et des finances [442V] a Gilles Brulard son fils Conseiller secretaire des finances a condition de Survivance, a sainct Maur le 14 Juin 1586. Le serment presté entre les mains de Monsieur le Chancellier est du 3e Juillet 1586.

Gilles Brulard fut avec son pere chassez de la Cour a Bloys le 8e Septembre 1588 et leur charge de secretaire d'Estat perduë comme celle des autres secretaires d'Estat, un autre secretaire d'estat ayant esté establi en leur lieu sans leur bailler recompense.

[443] de Laubespine

Claude de Laubespine seigneur de Verderonne et Baron de Norat fils de Gilles de Laubespine escuyer sieur de la Poiriere en Beausse Tresorier des parties Cazuelles fils puisné de Claude de Laubespine et de Marguerite le Berruyer et frere de Claude de Laubespine sieur de haulterive secretaire d'Estat, fut premierement pourveu de la charge de Nottaire et secretaire du Roy par la resignation de Pierre Piquet le 12 febvrier 1570 puis de celle de secretaire des finances, et ensuitte fait secretaire de la Reyne louise femme du Roy henry 3 et dautant qu'il n'avoit payé aucune finance pour la commission de secretaire des finance le Roy l'excepta en la revocation quil fit en lannée 1576 de touttes les commissions pour signer [443v] en finance qui n'avoient rien financé

Le Roy henry 3 estant tousjours de plus en plus reconnoissant des services que luy rendoit Messire Nicollas de Neufville sieur de Villeroi le plus ancien de ses secretaires d'Estat et Tresorier de ses ordres lequel avoit esté pourveu de ladicte charge de secretaire d'Estat et de ses commandemens a la survivance de Claude de Laubespine le plus ancien desdicts secretaires d'Estat et qui pour la consideration d'Icelui Claude de Laubespine auroit requis sa Majesté avoir agreable pour son successeur Claude de Laubespine Conseiller du Roy Secretaire de ses finances et de la Reyne Mere lequel il avoit nourri sous lui aux affaires de sa charge, le Roy tesmoignant l'avoir agreable luy donna l'Estat et office de secretaire d'Estat et de ses commandemens [444] et finance qu'exercoit ledit sieur de Villeroi a condition de survivance pour le tenir aux honneurs et auctoritez accoustumez, les gages reservez audit sieur de Villeroi durant sa vie, les lettres de provision dudit office sont données a Paris le premier jour de Mars 1587 signe Brulard et le serment presté au Chancellier le 12e avril 1587 signé de Bagnaux, registrée a la Chambre des Comptes le 14 avril 1587.

En lannée 1588 le Roy permit audit sieur de Villeroi et de Laubespine d'exercer conjoinctement la charge de secretaire d'Estat les lettres expediées a cest effect sont en ces termes

Henry par la grace de Dieu Roy de france et de Pologne &a comme nous ayons cy devant permis a Messire Nicolas de Neufville seigneur de Villeroy Chevallier nostre [444v] premier secretaire d'Estat de nos commandemens et finance en consideration de ses services depuis 21 ans de resiner a condition de survivance en faveur de nostre Conseiller nottaire et secretaire Claude de Laubespine Greffier de nos deux ordres Conseiller au conseil secretaire des commandemens et finances de la Reyne mere quand ledit sieur de Villeroi se voudroit entierement se demettre en ses mains de l'exercice d'Icelle, sçavoir faisons quayant esgard a la requeste dudit sieur de Villeroy de le descharger sinon du tout au moins en partie de lexercice de ladicte charge avons permis et accordé audit sieur de Villeroy et audit de Laubespine dexercer conjoinctement et par ensemble ledit office de Notaire Conseiller et Secretaire d'Estat de nos finances et commandemens duquel ledit sieur de Villeroi est pourveu et ledit de Laubespine a sa survivance tout ainsi que si [445] chacun deux estoit pourveu a part dudit office avec pareil pouvoir auctorité et commission de signer et expedier sans avoir esgard a ce que lesdictes lettres et survivance dudit office il soit dit que ce suit pour en jouir seullement par le survivant deux deux voulant que ce qui sera par eux signé soit de mesme vertu que sil estoit signé par noz autres Conseillers secretaires d'Estat et de nos commandemens et finances sans que par la mort de l'un deux ledit office puisse estre declaré vaccant et impetrable ains quil demeure au survivant avec le departement entier d'ont jouit ledit sieur de Villeroy sans quil puisse estre desmembré a ceste occasion d'autant que ce que nous en faisons apresent est seulement affin que ledit sieur de Villeroy continuë de nous servir - si donnons en mandement &a donné a Chartres le xxie aoust 1588 signé pinart registrees a la chambre des Comptes.

[445v] Claude de Laubespine ne receut aucun advantage de ces lettres d'autant que peu de jours apres le Roy estant a Bloys au mois de septembre 1588 ou se devoient tenir les Estats du Royaume fit commandement au sieur de Villeroi de demeurer en sa Maison des champs ou il estoit allé a partir de Chartre et l'esloigna absolument de lui le sieur de Laubespine fut aussi obligé de se retirer de la Cour et en leur lieu

Le Roy establit un autre secretaire d'Estat sans luy bailler aucune recompense.

Claude de Laubespine resigna son office de Nottaire et secretaire du Roy a florent Pasquer qui y fut receu le 9 septembre 1597. (3)

[446] Secretaires d'Estat establis de nouveau apres que les anciens eurent esté deposez a Bloys en l'annee 1588 et leur nombre remis a quatre en 1588 1589. Depuis c'est establissement tous les Secretaires d'Estat ont presté le serment de leur charge au Roy en personne.

[447] Revol

Louis Revol fut choisy par le Roy Henry 3 a Bloys l'an 1588 pour estre un des Secretaires d'Estat et de ses commandemens et finances au lieu du sieur de Villeroy Brulard et Pinard disgraciez lesquels il avoit chassez d'aupres de sa personne le 8e jour de septembre 1588. Davila en parle en ces termes, par ce mesme moyen il crea secretaires d'Estat Martin Ruzé Seigneur de Beaulieu et Louys de Revol hommes fidelles de saine reputation desinteressez et accoustumez a le servir de leurs premieres années bien que toutesfois en matiere d'affaires de Cour et de Conseil, ils n'eussent jamais passé pour habiles.

Il ne fut pas pourveu purement et simplement de la charge de secretaire d'estat mais seullement par commission [447v] comme le sieur de Beaulieu Ruzé pour l'exercer par commission seulement et tant qu'il plairoit au Roy.

Le sieur Revol fut le premier de ceux que le Roy choisit pour remplir les charges de secretaires d'Estat ayant en qualité de secretaire d'estat et des commandemens signé les provisions de semblable charge que le Roy avoit donnée a Martin Ruzé Sieur de (4) Beaulieu le 15 (5) septembre 1588 et receu le mesme jour son Serment comme secretaire d'Estat.

Ce fut lors que le Roy commença de prendre luy mesme le serment des Secretaires d'Estat qui avoit tousiours au paravant esté receu par le Chancellier de france ou celuy qui estoit en son lieu, ayant jugé que la fonction des Secretaires d'Estat estant particullierement soubs sa personne et qu'il ne faisoit cognoistre ses vollontez [448] que par eux ilz ne devoient estre obligez qu'envers luy estans officiers plus particuliers qu'aucuns autres employez aux affaires d'Estat, et non moins que le Chancelier, ce qui a depuis tousjours esté observé jusques a present.

Lesdictz Sieurs de Revol et Beaulieu Ruzé exercerent seuls la charge de Secretaire d'Estat jusques au 22 de febvrier 1589 que les sieurs Potier et Forget furent pourveuz des deux autres charges de Secretaires d'Estat restablie par ce moyen en leur ancien nombre de quatre qui avoit esté reduit a trois depuis le decedz du sieur de fizes en l'année 1579.

Louys Revol fut faict Nottaire et Secretaire du Roy du College des vixx par le don que le Roy luy fit de la charge de François Lambert Notaire et Secretaire du Roy vaccante par son decedz au Camp de Gonesse le dernier May 1589.

Il deceda au mois de septembre 1594. Son filz fut receu en sa charge de Notaire et Secretaire du Roy du College des vixx le 17 Septembre de ladicte année 1594 et Messire Nicolas de Neufville Seigneur de Villeroy fut de nouveau pourveu de la charge de secretaire d'Estat le 30e jour de septembre 1594 et rentra par ce moyen dans la fonction qu'il avoit auparavant tres dignement exercée depuis l'année 1567 jusques en 1588.

[449]  Ruzé

Martin Ruzé estoit en lannée 1576 conseiller du Roy et secretaire de ses finances et des commandemens de la Reyne Mere comme l'on le void par les lettres de revocation des commissions pour signer en finances de ceux qui n'avoient financé aux coffres du Roy, a l'exception de celles de secretaire d'Estat Brulard et Pinart et des Secretaires (6) des Commandemens de la Reyne Mere, Pierre Sarred, Martin Ruzé et Isaac Chantereau, et de ceux de la Reyne femme Claude de Laubespine et françois Leger. Lesdictes lettres sont du 25e Septembre 1576.

Martin Ruzé Sieur de Beaulieu fut pourveu de la charge de Controolleur de la Chancellerie par la resignation de louys Vallée l'an 1578.

[449v] Le Roy ayant chassé les sieurs de Villeroy Brulard et Pinart a Bloys le 8e septembre 1588, choisit ledict Sieur de Beaulieu pour un de ceux qui devoit estre secretaire d'Estat en leur lieu ayant recognu sa fidelité par un nombre infiny d'employs qu'il avoit euz depuis 37 ans ayant commencé a servir en l'année 1551 et le commit en la charge de secretaire d'Estat et de ses commandemens et finances aux gages de trois mil escuz, droictz, fruicts, revenus et esmolumens d'ont avoient accoustumé jouir les secretaires d'estat et ce par commission seullement et tant qu'il plairoit au Roy, les lettres sont dattées a Blois le 15 jour de Septembre 1588 signées par le sieur Revol comme secretaire d'Estat, lequel fut receu avant luy a condition neantmoins qu'il auroit la preseance sur le dit sieur Revol, d'ont il jouit tousjours sans aucune contestation le sieur de Beaulieu presta le serment de secretaire [450] d'Estat entre les mains du Roy le mesme jour que ses provisions furent expediees qui fut receu par le sieur de Revol secretaire d'Estat lequel en Signa l'act en qualité de secretaire d'Estat.

Davila en son histoire des guerres Civiles de france parle des sieurs de Beaulieu et Revol en ces termes:

Par mesme moyen le Roy crea Secretaire d'Estat Martin Ruzé sieur de Beaulieu et Louys De Revol hommes fideles de saine reputation desinteressez et accousttumez a le servir des leurs premieres annees, bien que toutesfois en matiere d'affaires de Cour et de Conseil ils n'eussent jamais passez pour habiles.

Les sieurs de Beaulieu et Revol estans accablez d'affaires a cause de la ligue et des divisions de la cour demanderent [450v] au Roy d'estre soulagez et que les Secretaires d'Estat fussent remis au nombre de quatre comme ils estoient avant le decedz du sieur de fizes, Le Roy l'ayant accordé Monsieur de Beaulieu proposa pierre forget son parent et Monsieur Revol Louis potier son intime Ami tous deux secretaires du Conseil lesquels le Roy pourveut au mois de febvrier 1589 des deux autres charges de secretaires d'Estat moyennant xv m[ille] escus qu'ils payerent chacun d'ont ils furent depuis remboursez.

En lannée 1589 le 4 May le Roy estant a Tours pourveut le sieur de Beaulieu de la charge de son Conseiller et Secretaire maison et Couronne de france du College des vixx au lieu de Nicolas de Neufville sieur de Villeroy lequel ayant esté depuis de nouveau pourveu de la charge de secretaire d'Estat rentra en sa charge de secretaire du Roy des vixx.

[451] Ledit sieur de Beaulieu fut encores pourveu d'une autre charge de secretaire du Roy maison et Couronne de France qui'il resigna a Guillaume mercier au Camp de Rouën le premier decembre 1591.

Apres le decedz du sieur Revol en lannée 1594 Monsieur de Villeroy fut pourveu de sa charge de secretaire d'Estat laquelle il exercea pretendant qu'il ni avoit point eu d'intermission a son esgard, et qu'estant tousjours demeuré pourveu il avoit conservé le rang de sa reception. Les sieurs pothier et forget luy cederent la preseance a quoi le sieur de Beaulieu ne voulut jamais consentir et prit le rang et la primauté au dessus de Monsieur de Villeroy jusques a son deceds.

Le sieur de Beaulieu continua ses services avec beaucoup de fidelité jusques en lannée 1606 que se voyant [451v] chargé (7) d'années il ietta les yeux sur Antoine de Lomenie Conseiller du Roy en ses Conseils, secretaire du Cabinet qui avoit esté longtemps son premier commis et pria le Roy luy permettre de luy resiner la charge de secretaire d'Estat a sa survivance ce que le Roy luy accorda en consideration des services qu'il luy avoit rendus depuis 51 ans. Les lettres portent que le Roy donne audit sieur de Lomenie ledict estat et office de son Conseiller secretaire d'Estat et de ses commandemens et finances que tenoit ledict sieur de Beaulieu a condition de survivance et sans que ledit de Lomenie peust pretendre aucuns gages et proffictz y appartenans durant la vie dudict sieur de Beaulieu auquel ils appartendroient entierement, les provisions sont pures et simples et non par commission comme celles dudict sieur de Beaulieu. Données a Paris le 3 Mars 1606 et le serment presté au Roy par [452] ledit sieur de Lomenie le dixiesme desdictz mois et an signé de Neufville.

Martin Ruze sieur de Beaulieu vesquit jusques au 6 Novembre 1613.

Apres son decedz le sieur de Lomenie fut seul possesseur de la charge de secretaire d'Estat sans prendre nouvelles lettres ny prester nouveau serment.

Le sieur de Beaulieu avoit depuis longtemps resigné sa charge de secretaire du Roy du College des vixx a Martin Ruzé son nepveu a sa survivance lequel en prit possession ledict jour 6e Novembre 1613.

[453]  Potier

Louis Potier sieur de Gesvre fut faict Notaire et Secretaire du Roy du college des vixx par le decedz d'Estienne Bigot le 2 Apvril 1567.

Il estoit l'an 1578 l'un des quatre Conseillers et Secretaires des finances du Roy tenant le registre et servant par quartier au Conseil des finances qui est secretaire du Conseil comme on void par les lettres enregistrées a la chambre des Comptes pour restablir les gages de Secretaires des finances desdictz quatre Secretaires du Conseil rayées pour n'avoir justiffié de la finance par eux payée pour leurs Commissions de signer en finance, Clausse, Anthoine du Bois, et Nicolas dolu estoient ses Compagnons d'office les lettres sont du 26 janvier 1578.

Les sieurs de Beaulieu Ruzé et Revol [453v] ayans esté commis par le Roy au lieu des sieurs de Villeroy Brulard et Pinart au mois de septembre 1588 pour exercer les charges de secretaires d'Estat dont ils avoient esté privez, lesdictz sieurs de Beaulieu et Revol demanderent au Roy peu de mois apres d'estre deschargez d'une partie du faix des affaires et que l'on leur adjoignist les sieurs forget parent du sieur de Beaulieu et Potier intime ami du sieur Revol, ce que le Roy leur accorda et pourveut le 22e jour de fevvrier 1589 lesdicts sieurs potier et Forget des deux autres charges de secretaires d'Estat les restablissant par de moyen au nombre de quatre comme ils estoient avant le deceds du sieur de fizes l'an 1579 a cause de la necessité de l'estat ils assisterent le Roy de xv m[ille] escus chacun qu'ils financerent lors de leur reception dont ils furent depuis remboursez.

Louis Potier sieur de Gesvre [454] resina son office de secretaire du Roy a Anthoine Potier son filz a sa survivance le 23 Mars 1599.

Le sieur de Gesvres exerceoit encores la charge de secretaire d'Estat en l'année 1606 en laquelle Antoine Potier sieur de Seaux son filz fut receu en son Lieu.

 

Notes

3. From here to the conclusion of my transcription, the text is based a typescript of Ms. Fr. 18236, fols. 87-144, which I subsequently marked, in red, differences between it and the text of CCC 136. Since the first part of this transcription used CCC 136 as a point of departure, I am giving the red markings precedence in the pages that follow.

4. The italicized words are not in Ms. Fr. 18236.

5. Ms. Fr. 18236 reads 25, written over the original 15. Other copies read 15.

6. The italicized words are not in CCC 136, but are present in Ms. Fr. 18236.

7. The italicized word is not in CCC 136.